आता सरकारी योजनांच्या लाभासाठी शेतकऱ्यांकडे फार्म युनिक आयडी असणे गरजेचा आहे. सरकारच्या नवीन नियमानुसार प्रत्येक शेतकऱ्याने अॅग्री स्टॅक प्रोग्रॅमच्या माध्यमातून आपली शेत जमीन आधार कार्डशी संलग्न करून घेणे गरजेची आहे; अन्यथा शेतकऱ्यांना पीएम किसान, पिक विमा व अन्य कोणत्याही शासकीय योजनांचा लाभ घेता येणार नाही. राज्यामधील सर्व शेतकऱ्यांना आपली शेती जमीन आधाराशी संलग्न करून फार्मर आयडी बनवण्याच्या कामाला सुरूवात झालेली आहे.
राज्यातील एकूण एक कोटी पेक्षा जास्त शेतकऱ्यांची यामध्ये नोंदणी होणार आहे. प्रत्येक शेतकऱ्यांनी आपल्या नावावर असलेली सर्व शेत जमीन आपल्या आधाराशी संलग्न केल्यानंतर त्यांना एक विशिष्ट क्रमांक देण्यात येणार आहे. या विशिष्ट क्रमांकाचा उपयोग भविष्यात शासकीय योजना व इतर कृषी संबंधित कामासाठी होणार आहे. यासंदर्भात प्रत्येक तहसील कार्यालयात तालुक्यातील आपले सरकार सेवा केंद्र चालकांची बैठक घेऊन त्यांना शेतकरी ओळखपत्र बनवण्याबाबतचे प्रशिक्षण देखील देण्यात आलेले आहे.
फार्मर आयडीचे फायदे-
- केंद्र व राज्य शासनामार्फत राबवल्या जाणाऱ्या योजनांचा सहज लाभ मिळणार
- पिकानुसार किसान क्रेडिट कर्ज
- पिकांबाबत सल्ला
- हवामानाबाबत माहिती व सल्ला
- आपत्ती सल्ला व प्रतिसाद
- बाजारभावाबाबत सल्ला
- कीड व इतर रोगांबाबत सल्ला
- कीटकनाशक वापरण्याबाबत सल्ला
- मृदा आरोग्य माहिती
आवश्यक कागदपत्रे व अर्ज कोठे करावा –
- आधार कार्ड
- स्वतःच्या नावावरील सातबारा व आठ अ
- आधार लिंक असलेला मोबाईल नंबर
- फार्मर आयडी बनवण्यासाठी जवळच्या आपले सरकार सेवा केंद्रामध्ये जाऊन अर्ज करावा.
शेतकरी बंधूंनो हे लक्षात असू द्या-
ज्या शेतकरी बांधवांनी आपले फार्मर आयडी कार्ड तयार करून घेतलेले नाही त्यांना भविष्यात कृषी विषयक कोणत्याही अनुदानाच्या योजनेचा लाभ घेणे कठीण होणार आहे.
नोट- अधिक माहितीसाठी आपला व्हाट्सअप ग्रुप जॉईन करा. तसेच वरील माहिती आवडली तर इतरांबरोबर नक्की शेअर करा.