आज आपण सदर लेखातून फार्मर आयडी म्हणजे शेतकरी ओळखपत्र नोंदणी कशी करावी तसेच हे कार्ड डाऊनलोड कसे करावे या संदर्भातील माहिती जाणून घेणार आहोत. तसेच ज्या पद्धतीने नागरिकांना आधार कार्ड दिलेली आहेत त्याच प्रमाणे आता शेतकऱ्यांना सुद्धा शेतीसाठी असलेले स्वतंत्र डिजिटल आयडी कार्ड देण्यात येणार आहे. केंद्रशासनाच्या अॅग्रीस्टॅक उपक्रमाच्या माध्यमातून शेतकऱ्यांना फार्मर आयडी देण्यात येणार आहे. या योजनेचा मुख्य उद्देश म्हणजे शेतकऱ्यांची संपूर्ण माहिती एकत्रित करणे हा आहे. शेतकऱ्यांची सर्व माहिती एकत्रित केल्यामुळे भविष्यामध्ये विविध कागदपत्रे देण्याची गरज भासणार नाही.
कोणाला मिळणार फार्मर आयडी-
- ज्या शेतकऱ्यांकडे जमिनीचा मालकी हक्क आहे अशा सर्व शेतकऱ्यांना हे फार्मर आयडी कार्ड दिले जाणार आहे.
- तो शेतकरी महाराष्ट्र राज्याचा रहिवासी असणे गरजेचे आहे.
- शेतकरी बांधवांचे नाव सातबारा उताऱ्यावर असणे गरजेचे आहे.
- वरील सर्व शेतकऱ्यांना अॅग्रीस्टॅक उपक्रमाच्या माध्यमातून फार्मर आयडी कार्ड काढण्यासाठी ऑनलाईन नोंदणी करता येणार आहे.
फार्मर आयडीमुळे होणारे फायदे-
- शेतकरी ओळखपत्रामुळे शेतकऱ्यांची डिजिटल ओळख निर्माण होणार आहे.
- या फार्मर आयडीमध्ये शेती संदर्भातील संपूर्ण माहिती एकत्रित केली जाणार आहे.
- संपूर्ण माहिती एकत्रित केल्यामुळे कोणत्याही शेती विषयक योजनेचा अर्ज करणे सोपे होणार आहे.
- सर्व माहिती एकत्र असल्यामुळे यापुढे सर्व ठिकाणी सर्व कागदपत्रे देण्याची गरज पडणार नाही.
- तसेच भविष्यात येणाऱ्या शासकीय योजनांचा लाभ घेण्यासाठी शेतकऱ्यांकडे फार्मर आयडी असणे गरजेचे आहे.
- सध्या तुम्ही कोणत्याही योजनेचा लाभ घेत असाल तर त्यासाठी यापुढे फार्मर आयडी असणे गरजेचे आहे. उदा. किसान सन्मान योजना
- शेतकरी ओळखपत्राच्या माध्यमातून शेती क्षेत्रात प्रगती करण्यासाठी शेतकऱ्यांना उपयुक्त ठरणार आहे.
- त्यामुळे जर अजूनही ज्या शेतकऱ्यांनी शेतकरी ओळखपत्रासाठी नोंदणी केलेले नाही त्यांनी लगेच करून घ्या.
अशी करावी फार्मर आयडी कार्डसाठी ऑनलाईन नोंदणी-
- सर्वात अगोदर https://mhfr.agristack.gov.in/farmer-registry-mh/# या अधिकृत वेबसाईटवर जावे.
- पोर्टल ओपन होईल.
- एक बाब लक्षात असू द्या की जर तुमची जर तुम्ही शेतकरी असाल तर तुम्ही फार्मर आयडीसाठी स्वत: नोंदणी करू शकता.
- तसा पर्याय देखील या ठिकाणी देण्यात आलेला आहे. परंतु सध्या हा पर्याय सुरू नसल्याने सध्या तरी CSC केंद्राद्वारे तुम्ही लॉगिन करून नोंदणी करू शकता. अर्थात ज्यांच्याकडे सीएससी आयडी आहे तेच यासाठी नोंदणी करू शकतात.
शेतकरी स्वतः करू शकतील का नोंदणी?-
- फार्मर आयडी अर्थात शेतकरी ओळखपत्रासाठी ऑनलाईन नोंदणी शेतकरी सुद्धा करू शकतील. तसा पर्याय देखील पोर्टलवर देण्यात आलेला आहे.
- परंतु सध्या तरी सीएससी केंद्रावर जाऊन शेतकरी बांधवांना नोंदणी करावी लागणार आहे. नोंदणी केल्यानंतर अर्जाची सध्यास्थिती शेतकरी स्वतः तपासू शकतील.
नोट- अधिक माहितीसाठी आपला व्हाट्सअॅप ग्रुप जॉईन करा. तसेच वरील माहिती आवडली तर इतरांबरोबर नक्की शेअर करा.