लाडकी बहीण योजनेची e-KYC करण्यासाठी मुदतवाढ?

आज आपण सदर लेखातून सर्व लाडक्या बहिणींसाठी आनंदाची बातमी घेऊन आलेलो आहोत. मुख्यमंत्री माझी लाडकी बहीण योजनेतील महिलांना e-KYC प्रक्रियेसाठी आता मुदतवाढ देण्यात आलेली आहे. त्यामुळे ज्या महिलांनी ई-केवायसी करता आली नाही त्यांना आता मोठा दिलासा यामुळे मिळणार आहे. e-KYC मोठ्या प्रमाणावरती सुरू असताना अलीकडे काही जिल्ह्यांमध्ये उद्भवलेल्या नैसर्गिक आपत्ती, महिलांनी उपस्थित केलेल्या अडचणी लक्षात घेता राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे व उपमुख्यमंत्री अजित पवार यांच्या सूचना व मार्गदर्शनाखाली केवायसी करण्याची 18 नोव्हेंबर 2025 ही शेवटची तारीख देण्यात आलेली होती.

परंतु आता त्याला मुदतवाढ देण्यात आलेली आहे. त्यानुसार 31 डिसेंबर 2025 पर्यंत e-KYC करता येणार आहे, अशी माहिती राज्याच्या महिला व बालविकास मंत्री आदिती तटकरे यांनी दिलेली आहे. अलीकडेच नैसर्गिक आपत्तीमुळे अनेक कुटुंबांचे मोठ्या प्रमाणावरती नुकसान झालेले आहे. तसेच काही महिलांच्या पती किंवा वडिलांचे निधन झाल्यामुळे संबंधित आधार क्रमांकावरती ओटीपी प्राप्त होणे शक्य झाले नाही. अशा परिस्थितीमध्ये अपूर्ण राहीलेल्या e-KYC प्रक्रियेस मुदतवाढ देणे गरजेचे आहे, असे आदिती या म्हणाल्या होत्या.

तसेच ज्या पात्र महिलांच्या पती किंवा वडिलांचे निधन झालेले आहे किंवा ज्या महिला घटस्फोटीत आहेत, अशांनी स्वतःची e-KYC प्रक्रिया पूर्ण करण्यासाठी संबंधित मृत्यू प्रमाणपत्र, घटस्फ़ोट प्रमाणपत्र किंवा माननीय न्यायालयाचा आदेश यांची सत्यप्रत सादर करणे गरजेचे आहे. त्या अनुषंगाने पात्र महिलांना न्याय मिळावा व कोणतीही पात्र महिला या योजनेच्या लाभांपासून वंचित राहून नये, ही शासनाची भूमिका आहे. यासाठी माननीय मुख्यमंत्री व दोन्ही मानमनीय उपमुख्यमंत्री यांच्या मार्गदर्शनाखाली महिलांच्या हितासाठी e-KYC प्रक्रिया पूर्ण करण्यासाठी 31 डिसेंबर 2025 पर्यंत मुदतवाढ देण्यात आलेली आहे.

त्याचबरोबर देण्यात आलेल्या कालावधीमध्ये लाभार्थ्यांनी आपली ई-केवायसी प्रक्रिया पूर्ण करावी, असे आव्हान देखील मंत्री आदिती तटकरे यांनी केलेले आहे. e-KYC करताना महिलांना अनेक अडचणी येत होत्या. ओटीपी सेंट केल्यानंतर ही तो महिलांना प्राप्त होत नव्हता. त्यामुळे ई-केवायसी करण्यासाठी अडचण निर्माण होत होती. त्यामुळे शेवटच्या टप्प्यात लाडक्या बहिणींची धाकधूक वाढली होती. आता e-KYC करण्यासाठी मुदतवाढ मिळणार की नाही याकडे महिलांची लक्ष लागले होते. पण आता त्यांचा जीव भांड्यात पडलेला आहे. आता 31 डिसेंबरपर्यंत e-KYC करता येणार आहे.

महत्त्वाचे मुद्दे-

• राज्यातील अनेक ठिकाणी आलेली नैसर्गिक आपत्ती व इतर अडचणींमुळे अनेक लाडक्या बहिणींना ई-केवायसी पूर्ण करणे शक्य झालेले नव्हते, त्यांच्यासाठी आनंदाची बातमी आहे.
• ई-केवायसी करण्याची अंतिम मुदत आता 31 डिसेंबर 2025 पर्यंत वाढवण्यात आलेली आहे.
• योजनेचा लाभ अखंडपणे सुरू ठेवण्यासाठी, पात्र भगिनींनी त्वरित ई-केवायसी प्रक्रिया पूर्ण करून घ्यावी.
• विधवा, एकल, घटस्फोटीत महिला त्याचबरोबर ज्या महिलांचे वडील हयात नाहीत अशा महिलांसाठी आवश्यक ते बदल वेबसाईटवरती करण्यात आलेले आहेत.

नोट- महत्त्वपूर्ण अशी माहिती आहे, इतरांबरोबर शेअर करा व अधिक माहितीसाठी आपला व्हॉट्सअ‍ॅप ग्रुप जॉईन करा.