“मुख्यमंत्री माझी लाडकी बहीण” या योजनेच्या माध्यमातून पात्र लाभार्थी महिलांची पडताळणी व प्रमाणीकरण करण्यासाठी e-KYC माध्यमातून Aadhaar Authentication करण्यासाठी दिनांक 18-11-2025 पर्यंत मुदत देण्यात आलेली होती. परंतु राज्यातील काही जिल्ह्यात ओढवलेली नैसर्गिक आपत्ती त्याचबरोबर या योजनेच्या पात्र लाभार्थ्यांच्या पती किंवा वडिलांचा मृत्यू झाल्यामुळे त्यांच्या आधार क्रमांकावरती OTP प्राप्त होण्यास निर्माण झालेली अडचण व या योजनेअंतर्गत अनेक लाभार्थी महिलांनी e-KYC प्रक्रिया पूर्ण केलेली नसल्याचे निदर्शनास आल्यामुळे “मुख्यमंत्री माझी लाडकी बहीण” या योजनेच्या माध्यमातून पात्र लाभार्थी महिलांची पडताळणी व प्रमाणीकरण करण्यासाठी e-KYC च्या माध्यमातून Aadhaar Authentication करण्यास 31 डिसेंबर 2025 पर्यंत मुदतवाढ देण्याचा निर्णय शासनाने घेतलेला आहे.
पर्याय काय आहे?-
ज्या महिलांचे पती किंवा वडील हायात नाहीत किंवा घटस्फोट झालेला आहे, अशा लाभार्थी महिलांना e-KYC करावी लागणार आहे. परंतु ओटीपी कसे येणार असा प्रश्न निर्माण झाला होता. यावरती आता पर्याय देण्यात आलेला आहे. पती किंवा वडिलांचे मृत्यू प्रमाणपत्र किंवा घटस्फोटाचे अधिकृत प्रमाणपत्र किंवा न्यायालयाचा आदेशाची सत्यप्रत संबंधित जिल्हा महिला व बालविकास अधिकारी यांच्याकडे जमा करावी लागणार आहे. या निर्णयामुळे योजनेचा लाभ खंडित होणार नाही, असे महिला व बालविकास विभागाने स्पष्ट केलेले आहे.
e-KYC कशी करावी?-
टप्पा 1- लाभार्थी महिलेची पडताळणी
- सर्वात अगोदर गुगलमध्ये जाऊन ladakibahin.maharashtra.gov.in या अधिकृत वेबसाईटवरती जायचे आहे.
- ते पोर्टल उघडल्यानंतर ‘मुख्यमंत्री माझी लाडकी बहीण योजनेचे लाभार्थी ई-केवायसी प्रक्रिया पूर्ण करण्यासाठी येथे क्लिक करा’ यावरती क्लिक करायचे आहे.
- त्यानंतर पुढे आधार क्रमांक व समोर दिलेला कॅप्चा व्यवस्थित भरायचा आहे.
- ‘मी सहमत आहे’ यावरती क्लिक करून OTP पाठवा यावरती क्लिक करायचे आहे.
- आता आधार कार्डशी लिंक असलेल्या मोबाईल नंबरवरती OTP येईल तो टाकून Submit या बटनावर क्लिक करायचे आहे.
या योजनेच्या माध्यमातून ज्या पात्र लाभार्थी महिलांचे वडील हयात नाहीत किंवा पती देखील हयात नाहीत किंवा घटस्फोट झालेला आहे, त्या लाभार्थी महिलांनी स्वतःची e-KYC प्रक्रिया वरती दिल्याप्रमाणे पूर्ण करावी व त्यानंतर त्यांनी त्यांचे पती अथवा वडील यांचे अधिकृत मृत्यू प्रमाणपत्र व घटस्फोट प्रमाणपत्र किंवा माननीय न्यायालयाचे आदेश यांची सत्यप्रत संबंधित अंगणवाडी सेविका यांच्याकडे दि. 31-12-2025 पर्यंत जमा करावीत.
OTP येत नाही?-
सध्या लाखो महिला एकाच वेळी e-KYC करत असल्यामुळे वेबसाईटवरती प्रचंड ताण येत आहे. परिणामी OTP येण्यास उशीर होत आहे किंवा साईट क्रॅश होत आहे. यावर उपाय म्हणून लाभार्थ्यांनी खालील वेळेमध्ये e-KYC करावी. रात्री 12 नंतर ते पहाटे 5 वाजेपर्यंत या वेळेत सर्व्हरवर लोड कमी असल्याने प्रक्रिया जलद होत आहे.
नोट- महत्त्वपूर्ण अशी माहिती आहे, इतरांबरोबर शेअर करा व अधिक माहितीसाठी आपला व्हॉट्सअ‍ॅप ग्रुप जॉईन करा.
शासन निर्णय पाहण्यासाठी येथे क्लिक करा.