पीएम किसान योजनेच्या 21 व्या हप्त्याची वाट लाखो शेतकरी बऱ्याच दिवसापासून पाहत होते. या बाबतीमध्ये एक महत्त्वाची बातमी समोर आलेली आहे. ही बातमी हप्त्याच्या पैशांच्या संबंधित निगडित आहे. अलीकडेच काही महिन्यांमध्ये शासनाने बनावट नोंदी व अपात्र लाभार्थ्यांना दूर करण्यासाठी अनेक कठोर उपाययोजना केलेल्या आहेत. पात्र लाभार्थ्यांना पुढील हप्ता देण्याअगोदर आधार ई-केवायसी व जमिनीच्या नोंदणी पडताळणी पूर्ण करण्यास सांगण्यात आलेली आहे.
पीएम किसान 21वा हप्ता कधी येणार?-
बिहार विधानसभा निवडणुकीच्या निकालाच्या दिवशी अखेर पंतप्रधान किसान सन्मान निधी योजनेच्या 21व्या हप्त्याची प्रतीक्षा संपणार आहे. 19 नोव्हेंबर रोजी शेतकऱ्यांच्या खात्यामध्ये प्रत्येकी 2000 रुपयांचे हस्तांतरण करण्यात येणार आहे. ही माहिती पंतप्रधान किसान सन्मान निधी योजनेच्या खात्यावर देण्यात आलेली आहे.
या शेतकऱ्यांच्या खात्यामध्ये प्रत्येकी 4-4 हजार रुपये येणार का?-
या वर्षी ऑगस्टमध्ये, अंदाजे 10 कोटी शेतकरी पीएम किसान योजनेचे लाभार्थी होते. परंतु केवायसीमध्ये तफावत किंवा पात्रता निकषांचे उल्लंघन झाल्यामुळे शासनाने लाखो शेतकऱ्यांचे हप्ते रोखले होते. अपूर्ण केवायसीसारख्या तांत्रिक कारणांमुळे ज्या शेतकऱ्यांना 20वा हप्ता मिळालेला नाही त्यांना उर्वरित 2,000 रुपये पुढील हप्त्यासह देण्यात येणार आहेत. याचा अर्थ असा आहे की ज्या शेतकऱ्यांचा 20वा हप्ता तांत्रिक कारणामुळे रखडला होता त्यांना आता त्यांचा 20वा हप्ता व 21व्या हप्त्यासह मिळणार आहे. म्हणजेच 2 हजार रुपयाऐवजी 4 हजार रुपये त्यांच्या खात्यात जमा होणार आहेत. ज्या शेतकऱ्यांचा 20वा हप्ता त्रुटीमुळे रखडला होता त्यांनाच चार हजार रुपये मिळतील.
पीएम किसान योजनेची स्थिती कशी पहावी?-
- सर्वात अगोदर पीएम किसन योजनेच्या pmkisan.gov.in या अधिकृत वेबसाईटवरती जावे.
- त्यानंतर ‘लाभार्थी स्थिती’ या पर्यायावरती क्लिक करावे.
- तुमचा आधार क्रमांक किंवा खाते क्रमांक त्यामध्ये टाकावा.
- ‘पुढील डेटा मिळवा’ यावरती क्लिक करायचे आहे.
- लाभार्थी स्थिती पहावी.
- पेमेंटची स्थिती तपासावी.
नोट- महत्त्वपूर्ण अशी माहिती आहे, इतरांबरोबर शेअर करा व अधिक माहितीसाठी आपला व्हॉट्सअ‍ॅप ग्रुप जॉईन करा.