आज आपण सदर लेखातून लाडक्या बहिणींसाठी आनंदाची बातमी घेऊन आलेलो आहोत. महाराष्ट्र शासनाने सुरू केलेल्या “मुख्यमंत्री माझी लाडकी बहीण योजना” या महत्त्वाकांशी योजनेतील लाभार्थी महिलांना सध्या ई-केवायसी करण्याच्या प्रक्रियेत येत असलेल्या अडचणींवरती राज्य शासनाने मोठा व महत्त्वपूर्ण निर्णय घेतलेला आहे. महिला व बालविकास मंत्री आदितीताई तटकरे यांनी याबाबतीमध्ये महत्त्वाची माहिती दिलेली आहे. यामुळे रु. 1500 रुपयांच्या हप्त्याबाबत लाडक्या बहिणींची चिंता आता मिटणार आहे. ही ई-केवायसी करत असताना लाभार्थी महिलांना अनेक तांत्रिक अडचणी येत होत्या. अनेक महिलांना पती किंवा वडील नसल्यामुळे ई-केवायसी करता येत नव्हती. ही अडचण प्रशासनाने गांभीर्याने घेतलेली आहे.
आदिती तटकरे यांनी सांगितले आहे की ज्या महिलांना पती किंवा वडील नाहीत त्यांना ई-केवायसी करता येत नाहीये. हीच अडचण लक्षात घेऊन आता संकेतस्थळावरती महत्त्वाचे बदल करण्यात येणार आहेत. आता वेबसाईटवरती नवीन ऑप्शन ऍड करण्यात येणार आहे. ज्या पात्र लाभार्थी महिलांना वडील किंवा पती नाही त्यांना आता कागदपत्रे अपलोड करावी लागणार आहेत. जसे की मृत्यूचे प्रमाणपत्र, घटस्फोट झालेला असेल तर घटस्फोटाचे प्रमाणपत्र अशा प्रकारची कागदपत्रे अपलोड करावी लागणार आहेत. संकेतस्थळात हे बदल झाल्यानंतर सर्व महिलांना कोणतीही अडचण न येता ई-केवायसी प्रक्रिया पूर्ण करता येणार आहे. ही माहिती अधिकृत आहे.
सध्या ई केवायसी करण्याची अंतिम मुदत ही 18 नोव्हेंबर 2025 ही आहे. संकेतस्थळावरती बदल करण्याचे काम सुरू असल्यामुळे अनेक महिला वेळेत ई-केवायसी पूर्ण करू शकणार नाहीत. तांत्रिक अडचणी व संकेतस्थळात सुरू असलेले बदल पाहता लाभार्थी महिलांकडून ई-केवायसी करण्याची मुदत वाढवून देण्याची मागणी करण्यात येत आहे. तांत्रिक अडथळे दूर झाल्यानंतर महिलांना पुरेसा वेळ मिळावा यासाठी राज्य शासन लवकरच मुदतवाढीबाबत निर्णय घेणार आहे. शासनाच्या या थेट निर्णयानंतर संकेतस्थळातील बदल पूर्ण होताच सर्व पात्र महिलांना त्यांच्या रु.1500 चा मासिक हप्ता वेळेवर मिळेल याची खात्री निर्माण झालेली आहे.
नोट- महत्त्वपूर्ण अशी माहिती आहे, इतरांबरोबर शेअर करा व अधिक माहितीसाठी आपला व्हॉट्सअ‍ॅप ग्रुप जॉईन करा.