क्षेत्रीय कार्यालयाकडून राज्यांमध्ये झालेल्या अतिवृष्टी कारणामुळे केलेल्या मागणीनुसार दिनांक 20 सप्टेंबर 2025 पर्यंत शेतकरी स्तरावरील ई-पीक पाहणी करण्यासाठी मुदत वाढ देण्यात आलेली होती. परंतु क्षेत्रीय कार्यालयाकडून सदर मुदत पुन्हा वाढवण्याकरता विनंती करण्यात आल्यामुळे शेतकरी स्तरावरील ई-पीक पाहणी करण्यासाठी 30 सप्टेंबर 2025 पर्यंत मुदत वाढ देण्यात आलेली आहे.
ज्या शेतकऱ्यांनी अजूनही पीक पाहणी केलेली नाही अशा सर्व शेतकरी बांधवांनी मुदतीच्या आत पीक पाहणी करून घ्यावी व तातडीने आपली पीक पाहणी पूर्ण करावी. शेतकऱ्यांनी रात्री पीक पाहणी करू नये, कारण अंधारामुळे पिकाचा फोटो स्पष्ट दिसत नाही व फोटोवरून फोटो काढू नका, थेट शेतात जाऊन पिकाचा फोटो घ्यावा, असे आवाहन करण्यात आलेले आहे.
अचूकता मर्यादा वाढली-
मागील वर्षी उन्हाळी हंगामातील पिकांची नोंदणी या अ‍ॅपच्या माध्यमातून केली होती. तेव्हा पिकांचा फोटो काढण्यासाठी प्रत्यक्ष लागवड केलेल्या क्षेत्राच्या 50 मीटरच्या आतील फोटो अपलोड करून स्वीकारला जात होता. परंतु आता यात बदल करण्यात आलेला आहे. ही मर्यादा आता 20 मीटर इतकी करण्यात आलेली आहे. त्यामुळे पीक नोंदणी करताना अधिक अचूक येणार असल्याची माहिती ई-पीक पाहणी प्रकल्पाच्या राज्य समन्वयक सरिता नरके यांनी दिलेली आहे.
नोट- महत्त्वपूर्ण अशी माहिती आहे, इतरांबरोबर शेअर करा व अधिक माहितीसाठी आपला व्हॉट्सअ‍ॅप ग्रुप जॉईन करा.