जरी आपल्याकडे लायसन्स, गाडीचे कागदपत्र सोबत नसतील तरी देखील ट्राफिक पोलीस आपल्याला पकडणार नाही.

आज आपण सदर लेखातून एम-परिवहन अ‍ॅप बद्दलची माहिती पाहणार आहोत. हे अ‍ॅप वाहन चालकांसाठी अनेक सुविधा पुरवते. चला तर मग जाणून घेऊया सविस्तर माहिती.

एम-परिवहन ॲप म्हणजे काय?-

हे अ‍ॅप भारत सरकारच्या परिवहन मंत्रालयाद्वारे विकसित केले गेले एक मोबाईल ॲप्लिकेशन आहे. या ॲपच्या माध्यमातून वाहन चालकाला वाहन आणि वाहतूक व्यवस्थापनाशी संबंधित अनेक सेवा ऑनलाईन उपलब्ध करून दिल्या जातात.

एम-परिवहन ॲपचे फायदे-

• वाहनाची माहिती-

तुम्ही या अ‍ॅपच्या माध्यमातून एखाद्या वाहनाचा क्रमांक टाकून त्या वाहनाची संपूर्ण माहिती मिळवू शकता. या ॲपच्या माध्यमातून आपणास त्या वाहनाचा मालक कोण, वाहनाचा प्रकार, इंधनाचा प्रकार, रजिस्ट्रेशन तारीख, विमा इत्यादी गोष्टींची माहिती मिळते.

• डिजिटल वाहन परवाना आणि कागदपत्रे-

या ॲपच्या माध्यमातून तुम्ही तुमच्या वाहन परवान्याचे आणि इतर वाहन कागदपत्रांचे डिजिटल स्वरूप डाऊनलोड आणि साठवून ठेवू शकता.

• चालान भरणे-

तुम्ही तुमच्या वाहनावर थकलेले चालान या ॲपद्वारे ऑनलाईन भरू शकता.

• आरटीओ सेवा-

या अ‍ॅपच्या माध्यमातून विविध आरटीओ सेवा जसे की वाहन नोंदणी, परवाना नूतनीकरण, पत्ता बदल इत्यादीचा अर्ज करू शकता.

• वाहतूक नियम आणि दंड-

भारतातील वाहतूक नियम आणि दंडाची माहिती तुम्हाला या ॲपच्या माध्यमातून मिळू शकते.

• इतर सुविधा-

वाहन टोल आणि पार्किंग शुल्क भरणे, वाहन विमा खरेदी करणे, वाहन दुरुस्ती केंद्र शोधणे इत्यादी अनेक सुविधा या ॲपमध्ये उपलब्ध आहेत.

एम-परिवहन ॲप डाऊनलोड कसे करावे?

• तुम्ही तुमच्या मोबाईलच्या गुगल प्ले स्टोअर वर जाऊन एम- परिवहन ॲप विनामूल्य डाऊनलोड करू शकता.
• ॲप डाऊनलोड केल्यानंतर तुम्हाला तुमचा मोबाईल नंबर आणि इतर काही वैयक्तिक माहिती देऊन रजिस्ट्रेशन करायचे आहे.
• त्यानंतरच तुम्ही अ‍ॅपच्या सर्व सुविधांचा लाभ घेण्यास पात्र असाल.

टीप- सध्या स्थितीला हे अ‍ॅप फक्त काही राज्यांमध्ये उपलब्ध आहे. या अ‍ॅपच्या उपलब्धतेबद्द्ल आणखी माहितीसाठी अ‍ॅपच्या अधिकृत वेबसाईटला जाऊन भेट द्यावी.

एम-परिवहन ॲप बद्दलची आणखी काही माहिती-

• तुम्ही या अ‍ॅपद्वारे तुमच्या वाहनाचा अपघात झाल्यास FIR देखील नोंदवू शकता.
• तुम्ही अ‍ॅपद्वारे तुमच्या वाहनाची चोरी झाल्याची तक्रार देखील करू शकता.
• वाहनाचे प्रदूषण तपासणी प्रमाणपत्र देखील या ॲपद्वारे मिळू शकता.

नोट- जर आपणास वरील माहिती आवडली तर इतरांबरोबर नक्की शेअर करा. तसेच आपला व्हाट्सअप ग्रुप देखील जॉईन करा.

धन्यवाद!