आपले सरकार हे देशातील शेतकऱ्यांसाठी व नागरिकांसाठी अनेक योजना राबवत असते. आज आपण सदर लेखातून किसान विकास पत्र योजनेबद्दलची माहिती जाणून घेणार आहोत. ही योजना केंद्र सरकारद्वारे राबवण्यात येते. या योजनेमध्ये दीर्घ कालावधीसाठी गुंतवणूक करावी लागते व मुदत पूर्ण झाल्यावर दुप्पट रक्कम आपणास दिली जाते. या योजनेत गुंतवणूक केल्यामुळे आपणास पैशांची बचत करण्यास मदत होते जेणेकरून ते आपणास भविष्यात उपयोगी पडतात.
सदर योजनेची माहिती-
- या योजनेचा लाभ मिळवण्यासाठी बँक किंवा पोस्ट ऑफिस मध्ये जाऊन अर्ज करावा लागतो.
- या योजनेमध्ये गुंतवणूकदाराला 124 महिने म्हणजेच 10 वर्ष आणि 4 महिन्यांसाठी गुंतवणूक करावी लागते.
- जेव्हा दिलेला कालावधी पूर्ण होईल त्यानंतर 6.9% व्याजदरानुसार दुप्पट पैसे आपणास मिळतील.
- ही योजना शेतकऱ्यांबरोबरच इतर सर्व नागरिकांसाठीही सुरू करण्यात आलेली आहे.
- या योजनेमध्ये गुंतवणूक केलेल्या गुंतवणूकदाराने 1 वर्षाच्या आत पैसे काढले तर त्याला व्याज दिले जात नाही व त्याला दंडही भरावा लागतो.
- जर गुंतवणूकदाराने प्रमाणपत्र खरेदी केल्यानंतर 1 वर्षांनंतर पैसे काढले तर अशा गुंतवणूकदारास दंड भरावा लागत नाही व व्याजदरही कमी केले जाते.
- जर गुंतवणूकदाराने 2.5 वर्षानंतर पैसे काढले तर त्याला फक्त 6.9% व्याजदर दिले जाते व त्याला कोणताही दंड भरावा लागत नाही.
सदर योजनेची कमाल व किमान गुतवणूक मर्यादा-
- या योजनेसाठी फक्त KVP प्रमाणपत्र खरेदी करावे लागते. या योजनेमध्ये किमान गुंतवणूक रु. 1000/- एवढी करावी लागते. या योजनेसाठी कोणतीही मर्यादा सेट केलेली नाही म्हणजेच गुंतवणूकदार त्याला हवी तेवढी गुंतवणूक करू शकतो.
- जर तुम्ही 50 हजार रुपयांपेक्षा जास्त गुंतवणूक करणार असाल तर तुम्हाला पॅन कार्डची माहिती द्यावी लागते.
सदर योजनेची वैशिष्ट्ये-
- या योजनेच्या माध्यमातून गुंतवणूकदार आपले खाते एका पोस्ट ऑफिस मधून दुसऱ्या पोस्ट ऑफिस मध्ये ट्रान्सफर करू शकतो.
- या योजनेच्या माध्यमातून 6.9% व्याजदर गुंतवणूकदाराला दिले जाते.
- जर कोणत्याही गुंतवणूकदाराला कर्ज घ्यायचे असेल तर हमी म्हणून ही योजना वापरता येते व त्याला कर्ज देखील मिळू शकते.
- या योजनेचा फॉर्म चेकद्वारे किंवा रोख भरता येतो.
- या योजनेचा अर्ज करून झाल्यानंतर लाभार्थ्याला KVP प्रमाणपत्र दिले जाते. या प्रमाणपत्रांमध्ये योजनेची मुदतपूर्ती तारीख, लाभार्थी गुंतवणूकदाराचे नाव, रक्कम इत्यादी माहिती दिलेली असते.
सदर योजनेची पात्रता–
- या योजनेचा अर्ज करण्यासाठी गुंतवणूकदार हा भारताचा मूळ रहिवासी असावा.
- फक्त 18 वर्षापेक्षा जास्त वयाच्या व्यक्तीस या योजनेसाठी अर्ज करता येऊ शकतो.
- जर गुंतवणूकदार व्यक्ती अल्पवयीन असेल तर त्याचे पालक या योजनेमध्ये गुंतवणूक करू शकतात.
सदर योजनेतील प्रमाणपत्राचे प्रकार-
हे प्रमाणपत्र गुंतवणूकदारास पोस्ट ऑफिस किंवा बँकेत मिळणार आहे. ते मिळवण्यासाठी तुम्ही रोख, चेक पे ऑर्डर किंवा डिमांड ड्राफ्टद्वारे खरेदी करु शकता. या पत्राचे 3 प्रकार आहेत.
- सिंगल धारक प्रकार KVP प्रमाणपत्र- अल्पवयीन मुलगा किंवा मुलगी यांच्या वतीने एकट्या व्यक्तीकडून हे प्रमाणपत्र खरेदी केले जाऊ शकते.
- संयुक्त A प्रकार KVP प्रमाणपत्र- यामध्ये 2 प्रौढ व्यक्ती खरेदी करून गुंतवणूक करू शकतात.
- संयुक्त बी प्रकार KVP प्रमाणपत्र- हे प्रमाणपत्र दोन प्रौढ व्यक्ती खरेदी करू शकतात तसेच यामध्ये दोन्ही व्यक्तींपैकी कोणीही गुंतवणूक करू शकते.
सदर योजनेची आवश्यक कागदपत्रे-
- आधार कार्ड
- मतदान कार्ड
- पॅन कार्ड
- जन्माचा दाखला
- रहिवाशी दाखला
- रेशन कार्ड झेरॉक्स
- मोबाईल नंबर
- पासपोर्ट आकाराचे 2 फोटो
- ई-मेल आयडी
- अर्ज फॉर्म
सदर योजनेचे पत्र खरेदी करण्याची प्रक्रिया-
- यासाठी सर्वात प्रथम आपणास जवळच्या पोस्ट ऑफिस किंवा बँकेत जावे लागेल. तेथे जाऊन किसान विकास पत्र फॉर्म घ्यावा लागेल.
- नंतर त्या फॉर्ममध्ये विचारलेली संपूर्ण माहिती व कागदपत्रे भरून जोडून तुम्हाला तो सबमिट करावा लागेल.
- नंतर तुम्हाला तुमच्या जमा केलेल्या गुंतवणुकीचा रकमेनुसार प्रमाणपत्र दिले जाईल.
सदर योजनेचे पत्र हस्तांतरित करण्याची प्रक्रिया-
- गुंतवणूकदारास पोस्ट ऑफिस मध्ये किंवा बँकेमध्ये जिथून त्याने योजनेसाठी अर्ज केला आहे त्या ठिकाणी जावे लागेल.
- तेथे गेल्यावर खाते हस्तांतरित करण्यासाठी अधिकाऱ्याकडून फॉर्म घ्यावा लागेल व त्या फॉर्ममध्ये विचारलेली संपूर्ण माहिती भरावी लागेल.
- नंतर तुम्हाला मतदान कार्ड, रहिवासी दाखला, KVP प्रमाणपत्र अर्जासोबत जोडून ते सबमिट करावे लागणार आहे.
- यानंतरच तुमचे बचत खाते हस्तांतरित करण्याची प्रक्रिया पूर्ण होईल.
नोट– जर आपणास वरील माहिती आवडली तर इतरांबरोबर नक्की शेअर करा.
धन्यवाद!
WhatsApp Group
Join Now