मुख्यमंत्री माझी लाडकी योजनेचा ऑक्टोबर महिन्याचा हप्ता दिवाळी झाली तरी मिळाला नव्हता. त्यामुळे महिला हप्ता कधी मिळणार याची उत्सुकतेने वाट पाहत होत्या. आता लाडक्या बहिणींसाठी आनंदाची बातमी घेऊन आलेलो आहोत. आता ऑक्टोबर महिन्याचा हप्ता मंगळवारपासून (4 नोव्हेंबर) मिळणार असल्याची माहिती राज्याच्या महिला व बालविकास मंत्री आदितीताई तटकरे यांनी ट्विट करत दिलेली आहे. मुख्यमंत्री माझी लाडकी बहीण योजनेच्या सर्व पात्र लाभार्थ्यांना ऑक्टोबर महिन्याचा सन्मान निधी वितरित करण्याची प्रक्रिया ही आजपासून सुरू होत आहे.
लवकरच योजनेतील सर्व पात्र लाभार्थ्यांच्या आधार संलग्न बँक खात्यामध्ये सन्मान निधी वितरित होणार असल्याची माहिती महिला व बालविकास मंत्रालयाच्या वतीने देण्यात आलेली आहे. म्हणजेच येत्या दोन ते तीन दिवसांमध्ये सर्व पात्र लाभार्थी महिलांच्या बँक खात्यामध्ये पैसे जमा होणार आहेत. ज्या महिलांनी ई-केवायसी प्रक्रिया पूर्ण केलीली नाही त्यांनाही हा हप्ता दिला जाणार आहे. महाराष्ट्रातील माता-भगिनींच्या अखंड विश्वासाने सुरू असलेली सक्षमीकरणाची ही क्रांती यशस्वी रित्या मार्गक्रमण करत आहे. ही वाटचाल अशीच अखंडपणे सुरू ठेवण्यासाठी मागील महिन्यापासून या ladakibahin.maharashtra.gov.in संकेतस्थळावरती ई-केवायसी सुविधा उपलब्ध करून देण्यात आलेली आहे.
सर्व लाडक्या बहिणींनी 18 नोव्हेंबरच्या अगोदर ई-केवायसी प्रक्रिया पूर्ण करावी, अशी विनंती देखील राज्याच्या महिला व बालविकास मंत्री आदिती तटकरे यांनी ट्विट करत केलेली आहे. या अगोदर मुख्यमंत्री माझी लाडकी बहीण योजनेचा सप्टेंबर महिन्याचा हप्ता ऑक्टोबर महिन्याच्या सुरुवातीला वितरित करण्यात आलेला होता. त्यामुळे ऑक्टोबर महिन्याचा हप्ता देखील दिवाळीपूर्व मिळणार का? याबाबत उत्सुकता लागली होती. परंतु अखेर त्याबाबतची घोषणा आता करण्यात आलेली आहे.
नोट- महत्वपूर्ण अशी माहिती आहे, इतरांबरोबर शेअर करा व अधिक माहितीसाठी आपला व्हॉट्सअ‍ॅप ग्रुप जॉईन करा.