शेतकऱ्यांसाठी शासनाकडून वेगवेगळ्या योजना नेहमीच राबविण्यात येत असतात. त्यापैकीच एक आहे ‘मल्चिंग पेपर अनुदान योजना’. आज आपण सदर लेखातून या योजनेबद्दलची माहिती जाणून घेणार आहोत. शासनाने फळबागा व भाजीपाला यासाठी मल्चिंग पेपर अनुदान योजना सुरू केली आहे.ही योजना कृषी विभागामार्फत महाराष्ट्र शासनाने शेतकऱ्यांसाठी सुरू केली आहे.
या योजनेसाठी ऑनलाईन फॉर्म भरावा लागतो. या योजनेच्या माध्यमातून शेतकऱ्यांना 50% अनुदान देण्यात येते. मल्चिंग पेपर शेतात वापरल्यामुळे बाष्पीभवनाचा त्रास कमी होतो. त्याचबरोबर कीड, रोगराई यांच्यापासून देखील पिकांचे संरक्षण होण्यास मदत होते. त्यामुळे भाजीपाला, फळबागा यांच्यासाठी मल्चिंग पेपरचा वापर सध्या मोठ्या प्रमाणात केला जातो.
सदर योजनेचे अनुदान-
- शासनाकडून या योजनेसाठी 50% अनुदान देण्यात येते, जसे की मल्चिंग पेपरसाठी एकरी खर्च हा रु.32,000/- इतका येतो. म्हणजेच प्रति हेक्टरसाठी शेतकऱ्यांना रु.16,000/- अनुदान मिळणार आहे.
- अनुदान फक्त 2 हेक्टर पर्यंतच देण्यात येते.
- डोंगरा भागातील शेतकऱ्यांना वाढीव खर्च रु.36,800/- याप्रमाणे 50% अनुदान दिले जाते.
- या भागातील वैयक्तिक शेतकरी, शेतकरी समूह, बचत गट, शेतकरी उत्पादन कंपनी इत्यादींना अर्थसहाय्य केले जाते.
सदर योजनेच्या माध्यमातून मिळणाऱ्या मल्चिंग पेपरची जाडी-
- या योजनेच्या माध्यमातून मिळणाऱ्या मल्चिंग पेपरची जाडी ही फळ पिकासाठी व भाजीपाल्यासाठी वेगवेगळी असू शकते. मल्चिंग पेपरची जाडीही पिकाच्या कालावधीनुसार ठरवण्यात येते.
- 3 ते 4 महिने जर पीक कालावधी असेल तर त्यासाठी 25 मायक्रॉनचा मल्चिंग पेपर देण्यात येतो.
- 4 ते 12 महिन्यांचा पिक कालावधी असेल तर 50 मायक्रॉनचा मल्चिंग पेपर देण्यात येतो.
- 12 महिन्यावरील पीक कालावधी असेल तर 100 किंवा 200 मायक्रॉनचा मल्चिंग पेपर देण्यात येतो.
सदर योजनेची आवश्यक कागदपत्रे-
- अर्जदाराचे आधार कार्ड
- बँक पासबुकची झेरॉक्स (आधार संलग्न)
- 7/12 उतारा
- 8अ उतारा
- शेतातील पिकाची माहिती
सदर योजनेची अर्ज करण्याची पद्धत-
- या योजनेचा अर्ज करण्यासाठी सर्वात अगोदर आपणास महा डीबीटी फार्मर पोर्टलवर जावे लागेल. तिथे मल्चिंग पेपर योजना या बटनवर क्लिक करावे लागेल व अर्ज भरण्यास सुरुवात करावी लागेल.
- जर तुम्ही महाडीबीटी पोर्टलवर या अगोदर नोंदणी केली असेल, तर तुमच्या युजर आयडी व पासवर्ड वर लॉगिन करू फलोत्पादन या पर्यायासमोरील बाबी निवडा या पर्यायावर क्लिक करा व त्यामध्ये प्लास्टिक मल्चिंग पेपर हा पर्याय शोधून त्यावरती क्लिक करा.
- नंतर जितक्या क्षेत्रावर मल्चिंग पेपर पाहिजे असेल ते क्षेत्र तिथे नमूद करा व नंतर अर्ज जतन करा या पर्यायावर क्लिक करा.
- वरील सर्व काही नमूद करून झाले असेल, तर महाडीबीटी पोर्टलच्या माध्यमातून जर तुम्ही एकापेक्षा जास्त शासनाच्या योजनांकरिता अर्ज केला असेल तर त्यामध्ये तुम्हाला प्राधान्य कोणत्या योजनेला द्यायचे आहे त्याचा प्राधान्य क्रम निवडणे आवश्यक आहे व सर्वात शेवटी सबमिट बटन वर क्लिक करून अर्ज सबमिट करावा.
- अर्ज भरण्यासाठी 23 रुपये 60 पैसे इतके ऑनलाइन शुल्क भरावे लागेल.
नोट-
- अर्ज करण्यासाठी mahadbt.maharashtra.gov.in/Farmer/Login/Login या अधिकृत वेबसाईटला नक्की भेट द्या.
- जर आपणास वरील माहिती आवडली तरी बरोबर नक्की शेअर करा.