सदर योजनेची माहिती–
श्रावणबाळ सेवा राज्य निवृत्ती वेतन योजना ही राज्य पुरस्कृत योजना आहे. ही योजना महाराष्ट्र सरकारद्वारे सुरू करण्यात आलेली आहे. या योजनेच्या माध्यमातून राज्यातील 65 व 65 वर्षांवरील ज्येष्ठ नागरिकांना आर्थिक सहाय्य दिले जाते. ही योजना राज्यातील निराधार वृद्ध नागरिकांसाठी सुरू करण्यात आलेली आहे.या योजनेच्या माध्यमातून लाभार्थ्याला दरमहा रु.1500/- ऐवढे आर्थिक सहाय्य देण्यात येते .
सदर योजनेतंर्गत गट(अ) आणि गट(ब) असे दोन गट केले गेले आहेत-
- गट(अ)- या गटामध्ये जे जेष्ठ स्त्री व पुरुष आहेत, त्यांचे नाव दारिद्र्य रेषेखालील कुटुंबाच्या यादीत समाविष्ट करण्यात आलेली आहे.
- गट(ब)- या गटात जे ज्येष्ठ स्त्री व पुरुष यांचे नाव दारिद्र्य रेषेखालील कुटुंबाच्या यादीत नाही अशांचा समावेश करण्यात आलेला आहे.
सदर योजनेचा उद्देश-
- ज्येष्ठ नागरिकांना आपल्या दैनंदिन गरजांसाठी कोणावरती अवलंबून राहावे लागू नये, म्हणजेच त्यांना आर्थिक सहाय्य करण्याच्या उद्देशाने ही योजना सुरू केली आहे.
- आपल्या राज्यातील वृद्ध नागरिकांचा सामाजिक विकास करणे तसेच त्यांना सशक्त व आत्मनिर्भर बनवणे हा देखील या योजनेचा उद्देश आहे.
- वृद्ध नागरिकांचे जीवनमान सुधारणे या उद्देशाने ही योजना सुरू करण्यात आली आहे.
सदर योजनेचे वैशिष्ट्ये-
- या योजनेचा अर्ज करण्याची प्रक्रिया ऑनलाईन करण्यात आलेली आहे.
- ऑनलाईन प्रक्रियेमुळे आपण घरी बसल्या बसल्याही मोबाईलच्या साह्याने किंवा लॅपटॉपच्या साह्याने हा अर्ज भरू शकतो.
- यामुळे अर्जदाराचा पैसा व वेळ वाचतो. तसेच शासकीय कार्यालयाच्या फेऱ्या मारण्याची गरज भासत नाही.
- या योजनेतंर्गत मिळणाऱ्या लाभाची रक्कम DBT च्या साह्याने लाभार्थ्याच्या बँक खात्यात जमा केली जाते.
सदर योजनेच्या अटी व पात्रता-
- अर्जदार हा महाराष्ट्र राज्यात 15 वर्षापासून वास्तव्य करत असावा.
- ग्रामीण किंवा शहरी भागाच्या दारिद्र्यरेषेखालील कुटुंबाच्या यादीत लाभार्थ्याच्या कुटुंबाचे नाव समाविष्ट असणे आवश्यक आहे.
- जे लाभार्थी BPL नाहीत, त्यांचे वार्षिक उत्पन्न रु. 21,000/- पेक्षा जास्त नसावे.
- जर अर्जदार व्यक्तीने केंद्र किंवा राज्य शासनाच्या दुसऱ्या कोणत्याही सरकारी योजनेतंर्गत पेन्शन योजनेचा लाभ घेतला असेल, तर अशा नागरिकांनला या योजनेचा लाभ घेता येणार नाही.
- कुटुंबातील कोणी व्यक्ती सरकारी कर्मचारी असेल तर अशा व्यक्तीस अर्ज करता येणार नाही.
सदर योजनेची आवश्यक कागदपत्रे-
- विहित नमुन्यातील अर्ज
- उत्पन्नाचा दाखला
- आधार कार्ड
- पॅन कार्ड
- वयाचा दाखला
- मतदान कार्ड
- मोबाईल नंबर
- रेशन कार्ड
- रहिवासी दाखला
- बँक पासबुक झेरॉक्स
- पासपोर्ट साईज फोटो इत्यादी.
सदर योजनेसाठी ऑनलाईन व ऑफलाईन अर्ज करण्याची पद्धत-
- या योजनेचा ऑनलाईन अर्ज करण्यासाठी aaplesarkar.mahaonline.gov.in/en/ या अधिकृत वेबसाईटला भेट द्या.
- या योजनेचा ऑफलाईन अर्ज करण्यासाठी सेतू केंद्र किंवा तहसील कार्यालयास भेट द्यावी.
नोट- जर आपणास वरील माहिती आवडली तर इतरांबरोबर नक्की शेअर करा.