मोफत शौचालय अनुदान योजनेसाठीचा ऑनलाईन अ‍र्ज कसा करावा?

भारत शासनाकडून सुरू करण्यात आलेल्या स्वच्छ भारत मिशन या राष्ट्रीय मोहिमेच्या अंतर्गत देशातील प्रत्येक घराला शौचालय उपलब्ध करून देण्याच्या उद्देशाने ही योजना सुरू करण्यात आलेली आहे. ग्रामीण त्याचबरोबर शहरी भागातील गरीब, आर्थिकदृष्ट्या दुर्बल व शौचालय नसलेल्या कुटुंबांना रु. 12000 रुपयांचे अनुदान शौचालय बांधण्यासाठी मदत म्हणून दिले जाते. चला तर मग सदर लेखातून जाणून घेऊया या योजनेचा ऑनलाईन अर्ज कसा करावा?, पात्रता व आवश्यक कागदपत्रे याबद्दलची सविस्तर माहिती.

सदर योजनेची पात्रता–

• घरात शौचालय नसणे बंधनकारक
• अर्जदार भारतीय नागरिक असावा.
• अर्जदाराकडे आधार कार्ड असावे.
• या अगोदर अर्जदाराने किंवा अर्जदाराच्या कुटुंबातील व्यक्तींनी या योजनेचा लाभ घेतलेला नसावा.
• ग्रामपंचायत रेकॉर्डमध्ये कुटुंबाची नोंद असावी.
• घराचे लोकेशन सत्यापित होईल अशा जागेत असावे.

सदर योजनेची आवश्यक कागदपत्रे–

• आधार कार्ड
• मोबाईल नंबर
• बँक पासबुक
• रेशन कार्ड
• घराचा पत्ता
• अर्जदाराचा फोटो
• घराची माहिती– गाव, तालुका, जिल्हा इत्यादी

सदर योजनेचा ऑनलाईन अर्ज कसा करावा?-

Step 1: अधिकृत वेबसाईटला भेट द्या.

सदर योजनेसाठीचा ऑनलाईन अर्ज करण्यासाठी स्वच्छ भारत मिशनच्या https://sbm.gov.in/sbm_dbt/secure/login.aspx या अधिकृत वेबसाईटला भेट द्यावी.

Step 2- Citizen Registration (पहिली नोंदणी)

वेबसाईटवरती आल्यानंतर:

• सर्वात अगोदर ‘Citizen Registration’ या बटणावरती क्लिक करावे.
• त्यामध्ये मोबाईल नंबर टाकावा व ‘Get OTP’ वरती क्लिक करावे.
• मोबाईलवरती आलेला OTP टाकून ‘Verify OTP’ करावा.

आता ‘OTP Verify’ झाल्यानंतर नोंदणी प्रक्रिया सुरू होते.

नाव व पत्ता भरणे:

• येथे तुमचे नाव व आडनाव आधार कार्ड प्रमाणे टाकावे.
• Gender- Male/Female निवडावा.
• State- Maharashtra निवडावा व कॅप्चा टाकून ‘Submit’ या बटनावरती क्लिक करावे.

आता Registration Successful असा संदेश येईल.

Step 3 – लॉगिन प्रक्रिया

नोंदणी पूर्ण झाल्यानंतर आता लॉगिन करावे:

• ‘Sign In’ बटनावरती क्लिक करावे.
• मोबाईल नंबर टाकावा.
• ‘Get OTP’ वरती क्लिक करावे.
• OTP आला की OTP टाकून कॅपच्या भरून ‘Sign In’ करावे. आता डॅशबोर्ड ओपन होईल.

Step 4- New Application वरती क्लिक करावे.

आता डाव्या बाजूला असलेल्या मेनूमधून ‘New Application’ यावरती क्लिक करावे.

अर्ज फॉर्म ओपन होईल.

Step 5 – Section A: Location Details भरावी.

येथे तुमचा संपूर्ण पत्ता व गावाची माहिती भरायची आहे.

यामध्ये State, District, Taluka/Block, Gram Panchayat, Village, Habitation इत्यादी माहिती भरावी.

ही माहिती आधारकार्डशी मॅचिंग असणे गरजेचे आहे. पण प्रत्यक्ष वास्तव्याशी जुळणारी असावी.

Step 6 – Section B: Application Details (अर्जदाराची माहिती)

येथे खालील माहिती योग्यरीत्या भरावी.

• आधारकार्ड प्रमाणे पूर्ण नाव टाकावे.
• आधार कार्ड क्रमांक टाकावा. ‘Verify Aadhaar Number’ वरती क्लिक करावे. OTP तुमच्या आधार लिंक मोबाइलवरती येईल.
• वडील किंवा पती यांचे नाव टाकावे.
• Male/Female Gender निवडावा.
• Category: तुमच्याकडे जे कार्ड आहे ते निवडावे. ज्या श्रेणीत तुम्ही पात्र आहात ती निवडावी.
• जर ई-मेल आयडी असेल तर टाकावा. नसेल तरी चालेल.
• आधार कार्डवरील पत्ता टाकावा.

Step 7 – Section C: Bank Details भरणे

शेवटचा परंतु अत्यंत महत्त्वाचा टप्पा:

• आता IFSC Code टाकावा. Bank Name, Branch Name आपोआप येते.
• Account Number टाकावा.
• Confirm Account Number
• पासबुकच्या Front Page चा फोटो अपलोड करावा. JPG, JPEG, PNG, PDF या कोणत्याही फॉर्मेटमध्ये चालेल.

Step 8 – Application Submit करा.

सगळी माहिती योग्यरीत्या भरल्यानंतर Apply बटनावरती क्लिक करावे. आता अर्ज सबमिट होईल व स्क्रीनवर तुम्हाला Application Reference Number मिळेल. याचा फोटो काढून ठेवावा.

Step 9 –आता तुमचा अर्ज थेट ग्रामसेवककडे जातो.

ते खालील प्रक्रिया करतात:

• घराची प्रत्यक्ष पाहणी
• लोकेशनची पडताळणी
• तुमच्या घराचे फोटो
• बांधकाम सुरू झाल्यानंतरचे फोटो
• Scrutiny पूर्ण
• Final Approval

Step 10 – Application Status कसे तपसावे.

Application Status तपासण्यासाठी View Application वरती क्लिक करावे.

Step 11- अनुदान कधी व कसे मिळते?

तुमच्या अर्जाची तपासणी व फोटो अपलोड पूर्ण झाल्यानंतर रुपये 12000 थेट तुमच्या बँक खात्यात जमा होतात. तुम्हाला SMS द्वारे माहिती मिळते.

नोट– महत्वपूर्ण अशी माहिती आहे, इतरांबरोबर शेअर करा व अधिक माहितीसाठी आपला व्हॉट्सअ‍ॅप ग्रुप जॉईन करा.