प्रधानमंत्री शेतकरी सन्मान निधी योजनेत प्रत्येक वर्षी शेतकऱ्याला 6,000/- रुपये देण्यात येतात. ही रक्कम शेतकऱ्यांना शेतीसंबंधीच्या कामासाठी उपयोगी ठरते, म्हणजे त्यांना बी बियाणे खरेदी करताना, मशागतीसाठी ही रक्कम कामी येते. हे पैसे शेतकऱ्यांना वर्षभरात 3 हप्त्यांमध्ये दिले जातात. 2,000/- रुपये प्रत्येक हप्त्यांमध्ये उपलब्ध आहे. प्रत्येक हप्त्यात 4 महिन्याचे अंतर असते.
शेतकऱ्यांना 14 हप्त्यांमध्ये लाभ मिळाला आहे. आता 15 व्या हप्त्याची शेतकरी प्रतीक्षा करत आहेत. प्रधानमंत्री किसान सन्मान निधी योजनेचा 15 वा हप्ता नोव्हेंबर किंवा डिसेंबर महिन्यात येऊ शकतो. मात्र सरकारने याबाबत अध्यात कोणतीही अधिकृत घोषणा केलेली नाही. पण यावेळी लाभार्थ्यांची संख्या कमी होणार आहे. अनेक शेतकऱ्यांना या योजनेचा लाभ मिळणार नाही. याचे कारण तरी काय? कोण होणार या योजनेसाठी अपात्र?
सदर योजनेच्या लाभासाठी ही कामे आवश्यक पूर्ण करा-
1) ई-केवायसी-
फसवणूक टाळण्यासाठी आता ई-केवायसी करणे अनिवार्य करण्यात आलेले आहे.त्यामुळे पैसे मिळणे कठीण आहे. पीएम किसान pmkisan.gov.in या अधिकृत वेबसाईटला भेट देऊन शेतकरी ओटीपीद्वारे ई-केवायसी करू शकतात. त्याचबरोबर कॉमन सर्विस सेंटरला भेट देऊन देखील हे काम करता येऊ शकते. मोबाईल ॲप सुरू केले आहे याद्वारे देखील घरी बसल्या बसल्या आपण ई-केवायसी करू शकतो.
2) जमीन पडताळणी-
या योजनेच्या लाभार्थी शेतकऱ्याकडे 2 हेक्टर किंवा त्याहून कमी जमीन असावी. त्याचबरोबर शेतकरी हा जमिनीचा मालक असल्याचे पीएम किसन वेबसाईटवर जमिनीची कागदपत्रे अपलोड करावी लागतील. त्यामुळे शेतकरी हा जमिनीचा मालक असल्याचे सिद्ध होईल. कागदपत्रे वाचल्यानंतर कृषी विभागाचे अधिकारी शेतकऱ्यांच्या जमिनीची प्रत्यक्ष पडताळणी करून पाहणार आहेत.
3) खाते NPCI शी लिंक असणे आवश्यक आहे-
शेतकऱ्यांचे बँक खाते देखील नॅशनल पेमेंट कॉर्पोरेशन ऑफ इंडियाशी जोडलेले असावे. खाते लिंक नसेल तर पैसे मिळणे कठीण होणार आहे.
4) बँक खाते आधार कार्डशी जोडलेले असावे-
जर बँक खाते आधार कार्डशी लिंक असेल, तरच पीएम किसान योजनेच्या लाभ शेतकऱ्यांना घेता येणार आहे. जेव्हा बँक खाते आधार कार्डशी जोडले जाते, तेव्हा शेतकऱ्यांची अचूक माहिती सरकारपर्यंत पोहोचते. ही प्रक्रिया पूर्ण केल्यानंतरच सरकारच्या अनुदानाचे पैसे वेळेवर खात्यावर येऊ लागतात.
नोट-
सदर योजनेचा अर्ज करण्यासाठी पीएम किसानच्या अधिकृत वेबसाईटला pmkisan.gov.in ला भेट द्या.
जर आपणास वरील माहिती आवडली तर इतरांबरोबर नक्की शेअर करा.
धन्यवाद !